Сурхондарё вилояти Денов туманидаги Тотувлик маҳалласидан ўтган йўлнинг таъмири уч ойдан бери тугай демайди. Бузилган йўлдан доимий равишда чанг-тўзон кўтариляпти. Ёғингарчилик мавсуми яқин, энди одамлар лой кечиб юради.

«Чанг-тўзондан ҳар куни нафас оляпмиз. Йўл бузуқлиги сабабли уйга келиб-кетиш ҳам муаммога айланган. Энг ёмони, ота-онамиз ва фарзандларимиз ҳам ҳар куни шу чангни ютишга мажбур», — дейди маҳалла аҳолиси.

Видео

«Ҳар куни шу чангни ютаяпмиз». Маҳалла аҳолиси шикоят қилаётган йўлнинг ҳозирги ҳолатини кўринг.

Шунингдек, аҳоли кечки пайт маҳаллада электр таъминоти билан боғлиқ узилишлар ҳам кузатилаётганини, иссиқ ҳаво ва чанг-тўзон вазиятни янада оғирлаштиряпти.

Йўл таъмири қачон якунланиши ва ушбу ишларга ажратилган маблағлар қандай сарфланаётганига ойдинлик киритиш лозим. Аҳоли мутасадди ташкилотлардан муаммога эътибор қаратиб, йўл таъмирини тезроқ якунлаш ва маҳалладаги шароитни яхшилаш чораларини кўришни сўрамоқда.