1-aprel kuni Samarqand viloyati bojxona boshqarmasi matbuot xizmati mamlakatga Starlink terminalini noqonuniy olib kirgan haydovchi ushlanganini ma’lum qildi.

Ma’lumotlarga ko‘ra, qurilma mashhur sun’iy yo‘ldosh internet tizimi — SpaceX tomonidan ishlab chiqilgan.

Hodisa Samarqand viloyatidagi “Jartepa” bojxona postida sodir bo‘ldi. Tekshiruv vaqtida avtomobil salonidan deklaratsiya qilinmagan va ruxsatnomasiz olib kirilgan Starlink terminali topildi. Qurilmaning qiymati taxminan 6 million so‘mga baholandi.

Bojxona qo‘mitasiga ko‘ra, bunday qurilmalarni mamlakatga erkin olib kirish qat’iyan taqiqlangan. Shunga qaramasdan, ayrim fuqarolar ularni noqonuniy ravishda olib kirishga urinmoqda.

Haydovchiga nisbatan Jinoyat kodeksining tegishli moddalari asosida ish qo‘zg‘atilgan. Ehtimol, gap 278-7-modda (telekommunikatsiya tarmoqlaridan noqonuniy foydalanish) haqida ketmoqda. Unga ko‘ra, jarima, 3 yilgacha ozodlikni cheklash yoki 1 yilgacha ozodlikdan mahrum qilish jazosi qo‘llanilishi mumkin.

Mutaxassislar xulosasiga ko‘ra, ushbu Sputnik aloqa qurilmasini O‘zbekiston hududida maxsus ruxsatsiz olib kirish va ishlatish mumkin emas. Ayni paytda bunday uskunalarni qonuniy tarzda import qilish faqat davlat tashkilotlari yoki rasmiy importyorlar orqali amalga oshiriladi. Starlink xizmati O‘zbekistonda hali rasman ishga tushmagan.

Mutaxassislar xulosasiga koʼra, ushbu sputnik aloqa qurilmasini Oʼzbekiston hududida maxsus ruxsatsiz olib kirish va ishlatish mumkin emas. Ayni paytda bunday uskunalarni qonuniy tarzda import qilish faqat davlat tashkilotlari yoki rasmiy importyorlar orqali amalga oshiriladi. Starlink xizmati Oʼzbekistonda hali rasman ishga tushmagan.