АҚШ федерал суди президент Дональд Трампга Британиянинг BBC телерадиокомпаниясига қарши қўзғатган 10 миллиард долларлик даъвоси доирасида 2026 йил 11 декабрга қадар қасамёд остида кўрсатма беришни буюрди.

Суд ишига BBC томонидан 2024 йилда эфирга узатилган ҳужжатли фильм сабаб бўлган. Унда Трампнинг 2021 йил 6 январдаги нутқидан олинган алоҳида парчалар бирлаштирилган. Президент бу ҳолат унинг сўзлари мазмунини бузиб кўрсатганини таъкидлаб, телерадиокомпаниядан 10 миллиард доллар товон талаб қилмоқда.

BBC монтажда хатога йўл қўйилганини тан олиб, узр сўраган, бироқ туҳмат ҳақидаги айбловларни рад этди.

Аввалроқ Трамп 16 октябрга белгиланган кўрсатма бериш жараёнида қатнашмади. Судья Энжолике Летт президент белгиланган муддатда кўрсатма бермаса, унинг даъвоси рад этилиши мумкинлигидан огоҳлантирди.

Эндиликда 10 миллиард доллар талаб қилаётган Трампнинг ўзи судда BBC адвокатлари саволларига жавоб бериши керак.