Россия президенти Владимир Путин АҚШ президентининг махсус вакили Стив Уиткофф билан Санкт-Петербургда музокара ўтказди. Ўртадаги стол неча метр бўлгани қизиқ.

Маълумотларга кўра, Учрашувда Уиткофф 72 ёшли америкалик Стивен Хаббард озод этилгани учун миннатдорлик билдирган. Шунингдек, Украина президенти Владимир Зеленский билан Норвегияда ўтказилган музокараларда муайян силжишлар борлигини таъкидлаган.

Томонлар Украинадаги ҳарбий ҳаракатлар якунлангач, Россия ва АҚШ ўртасида иқтисодий ҳамкорликни ривожлантириш, уч томонлама музокараларни қайта тиклаш ҳамда Путин ва Трампнинг Хитойда эҳтимолий учрашувини муҳокама қилди.

Путин Россия АҚШ бозорига катта ҳажмда минерал ўғит етказиб бериш имкониятига эга эканини билдирди.

Албатта, бу лутфлар ортида ҳеч нарса йўқ. Ҳар куни миллиардлаб пулни гўё ўчоқда ёқиб юборгандек урушда йўқ қилаётган Россия учун АҚШга ўғит сотиш қизиқ деб ўйлайсизми? Ўғит баҳона, дийдор ғанимат.