АҚШнинг Огайо штатида ўзбекистонлик мигрантлар томонидан ташкил этилган юзлаб юк ташиш компаниялари маҳаллий жамоатчилик эътиборини тортмоқда.

JAPD Media тарқатган хабарда айтилишича, Огайо штатининг Мейнвилл шаҳарчаси, шунингдек, Батлер ва Уоррен округларида Марказий Осиёдан келган мигрантлар бошқараётган транспорт компаниялари сони кескин кўпайган.

Ушбу ҳудудда юзлаб юк ташиш корхоналари фаолият юритаётгани ва уларнинг айримлари шубҳали бизнес амалиётларида гумон қилиняпти.

Бу масала ижтимоий тармоқларда муҳокамаларга сабаб бўлган. Бироқ компанияларнинг қонунбузарликка алоқадорлиги, уларга нисбатан расмий текширувлар ўтказилаётгани ёки айбловлар қўйилгани ҳақида тасдиқланган маълумот йўқ.

Бемаврид шубҳаларнинг асоси борми? Ўзбек тадбиркорлари АҚШда қайси диаспоранинг «думини босган» бўлиши мумкин?