Майамида Amazon компаниясига тегишли юк самолёти автомобиллар билан тўқнашиб, беш киши ҳалок бўлди, яна беш киши жароҳатланди.

Маҳаллий ҳокимият маълумотларига кўра, самолёт учиш-қўниш йўлагидан чиқиб кетиб, тўхтаб турган автомобилларга урилганидан сўнг ёнғин содир бўлди.

Бир неча киши машиналар ичида қисилиб қолган, улар махсус ускуналар ёрдамида қутқарилди.

Қутқарув ишлари ва ёнғинни ўчириш вақтида аэропортнинг учиш-қўниш йўлаклари ёпилди. Бу рейсларнинг бир неча соатга кечикишига олиб келди.