17 июль куни Бухоро шаҳридаги Универсал спорт мажмуасида ўтказилиши режалаштирилган “Уммон” гуруҳининг “Соғинганим мани” номли концерт дастури бўлиб ўтмади.

Концерт учун чипталар олдиндан сотилган ва тадбир ижтимоий тармоқларда фаол тарғиб қилинган.

Концерт бошланиши керак бўлган вақтда залга қарийб 600 нафар мухлис йиғилди.

Томошабинлар билдиришича, концертнинг ўтказилмаслигига ташкилотчи билан санъаткор ўртасидаги молиявий келишмовчилик сабаб бўлган.

Иддаоларга кўра, тарафлар ўртасидаги шартнома қиймати 14 минг АҚШ долларини ташкил этган бўлиб, маблағнинг бир қисми тўланган, қолган қисми эса концерт бошланишидан олдин берилиши ваъда қилинган.

Ташкилотчи ва артистлар келишолмагани касрига чипта олган мухлислар куйди.

Чипта пуллари компенсация қилинадими?

“Ўзбекконцерт” деган номидан от ҳуркадиган ташкилот бирор чора кўрадими?