Нарпайлик мавсумий ишчи Ш.Р. “Telegram” ижтимоий тармоғида ақидапарсатлик ғоялари билан йўғрилган диний маърузани бир неча танишларига тарқатган.

Жиҳод ишқида ёнган банда ушбу тақиқланган аудиоёзувларни билмасдан туриб тарқатгани ва  тарқатишдан бирор бир салбий мақсади бўлмаганини айтди.

Тергов жараёнида аниқланишича, у “Мирбозор деҳқон бозори” ёнидаги автотураргоҳга қўйиб кетилган фуқарога тегишли велосипедни ўғирлаб кетган.

Ўғирланган велосипед ҳақида сўралганда эса бозорда қаровсиз қолгани учун раҳми келганидан миниб кетганини айтди.

Судланувчи Ш.Р. Ўзбекистон Республикаси ЖКнинг 169-моддаси 1-қисми ҳамда 2441-моддаси 3-қисми “г” бандида назарда тутилган жиноятни содир этганликда айбли деб топилди.

Унга нисбатан иш ҳақининг 20 (йигирма) фоизи миқдорини давлат даромади ҳисобига ушлаб қолган ҳолда 3 (уч) йил 5 (беш) ой муддатга озодликни чеклаш жазоси тайинланди.