Anthropic компанияси Claude сунъий интеллект модели томонидан яратилган ёки таҳрирланган контентни махсус яширин белгилаш тартибини жорий қилади.

2026 йил 2 августдан кейин чиқариладиган барча янги моделлар яратган контентга фақат машина ўқий оладиган белгилар қўшилади. Ундан олдин ишга туширилган моделлар учун эса ўтиш даври белгиланган — улар ҳам кейинчалик маркировкадан фойдалана бошлайди.

Компания маълум қилишича, Claude томонидан яратилган ёки таҳрирланган матн таркибида кўзга кўринмайдиган «рақамли сув белгиси» бўлади. У матн бошқа иловаларга нусха кўчириб қўйилганда ҳам сақланиб қолади.

Шунингдек, SVG, PNG ва JPG форматларидаги файлларга уларнинг келиб чиқиши ҳақида рақамли имзо билан тасдиқланган метамаълумотлар киритилади.

Anthropic бу маркировкани талаблари билан боғлиқ ҳолда жорий қилганини билдирган. Бироқ янги қоидалар фақат Европа давлатларида эмас, бутун дунё бўйлаб амал қилади.