Уч нафар фарзанднинг отаси собиқ хотинига алимент пули тўлашни пайсалга солавериб, қарздорлиги 17.315.556 сўмга етди.  Шундан сўнг унга МЖтКнинг 474-моддаси 1-қисми билан 7 сутка маъмурий қамоқ жазоси тайинланди.

Бу ҳам унга камлик қилди, шекилли, яна алиментдан қочишда давом этаверди. Қарабсизки, бўйнига 43 миллион 668 минг сўм илинганини билмай қолди.

Судланувчи алимент талаб қилаётган аёл билан фақат шаърий никоҳ қуриб, битта фарзандли бўлганини, кейин эса юлдузи-юлдузига тўғри келмай, ажрашиб кетишганини маълумот ўрнида келтириб ўтди.

Гарчи у  шаърий никоҳ маъсулиятдан озод этади деган илинж ила шунча гапирган бўлса-да, аммо суд уни Ўзбекистон Республикаси ЖК 122-моддасининг 1-қисмида назарда тутилган жиноятни содир этганликда айбли деб топди.

Ҳамда унга 1 йил озодликдан маҳрум қилиш жазоси тайинлади.

P.S. Алимент тўлагинг келмаса, ё уйланма, ё ажрашма, хумпар!