Дард бор. Дармон қани?ьКўнгул саройи бўўм бўўш.
Кутилган султон қани?

Бугун бир замондош қиз “ҳеч йўқ дардингни айтгани эр керак” деб қолди.
Шу онда бир қисқагина фильм сценарийси ëздим.

Кадрда хотин эрини сафарга кузатмоқда. (эр жанвар ўрисгами, ўрмонгами, карисгами кетяпти)

Кадр алмашади. Хотин бўм бўш уйда деразага қараб ўтирибди. Деразадан кимсасиз сўқмоқ кўринади.

Катта планда ëш оқаëтган кўз тасвири.

Кадрда хотин хамир қормоқда. Хамирни ийлаëтган қўлларнинг экспрессив тасвири.

Кадр алмашади. Хотин хамирдан одам ясайди. Унга дўппи ва гуппи кийгизади.

Кадрда икки киши. Хамир эр ва дардини сўйлаëтган хотин.

Вақт ўтишининг тезлаштирилган тасвири дераза манзараси орқали берилади. Куз қиш бахор алмашади деразада аммо йўл бўм бўш.

Кадрда қариб кетган бир эркак йўл юриб уйига қайтади. Эшик олдида туриб қолади. Ичкарида хотини ким биландир гаплашаëтган эди.
Ғўлдир ғўлдир сас келади.

Эркак деразадан мўраласа хотини бир дўппили эркак билан юзма юз ўтириб нималарнидир гапиряпти.

Кадрдаги эшик қарсиллаб синиб ичкарига дарғазаб эр кириб келади ва “запаал” дея бақириб бир метрлик қилич билан дўппили эркакни чопиб ташайди.

Хамирдан бўлган қўғирчоқ қилич зарбидан думба каби кесилиб иккига бўлинади.
Ичи қоп қора суюқлик билан тўла эди бу хамир одамнинг. Кадрдаги хамир одам онтарилиб ичидаги суюқлик ерга ëйилади.

Суюқликни ўша ердаги мушук келиб ялайди ва дархол аяғи осмондан келиб ўлади.
Хамир одамнинг ичи зардоб билан тўлган эди.

Фильм тугади деган ëзув чиқади ва фильм тугайди. Фильмда ҳеч қандай диалог ëки запалдан бошқа тушунарли бир сўз ишлатилмайди.

Шовқин ва ғўлдир ғўлдирлардан иборат. Фильм бор йўғи уч минут давом этади.

Уч минут ичига ҳижрондаги хотин трагедияси сиғдирилади. Фильмнинг номи “Мушук нега ўлди?”

Дарвоқе мушук нега ўлди?

Рассом Туз