Россия Федерациясининг «Давлат чегараси тўғрисида»ги қонунига киритилган ўзгартиришлар ва амалдаги тартибларга кўра, чегара назорати кучайтирилди.

Энди Россияга кириш ёки чиқишда мобил телефон, планшет, ноутбук каби электрон қурилмалар кўздан кечирилиши мумкин.  Бунда ўзбекистонлик мухожирлар алоҳида огоҳлантирилмоқда. Талабларга бўйсунмаслик 5 000 – 7 000 рубль жарима ёки 15 суткагача маъмурий қамоқ жазосига сабаб бўлиши мумкин.

Чегара ходимлари қурилманинг ташқи кўринишини текшириш ва зарур ҳолларда қурилмани очиб кўрсатишни талаб қилиш ҳуқуқига эга.

Бу текширувлар қонунбузарлик гумони бўлганда, хавфсизлик нуқтаи назаридан зарур деб топилганда амалга оширилади.

Расмийларга кўра, ушбу чоралар хавфсизликни кучайтириш, терроризм ва ноқонуний миграцияга қарши курашиш мақсадида жорий этилди.