8–9 октябрь кунлари Туркманистоннинг «Аваза» миллий сайёҳлик зонасида йирик сиёсий учрашувлар бўлиб ўтади.

Ўзбекистон Президенти Шавкат Мирзиёев ҳам Туркманистонга амалий ташриф билан бориб, Марказий Осиё ва Озарбайжон давлат раҳбарларининг VIII Маслаҳат учрашувида иштирок этади.

Учрашувда савдо-иқтисодий ҳамкорлик, энергетика, экология ва иқлим ўзгариши, таълим ва илм-фан соҳаларидаги алоқалар, шунингдек, минтақада тинчлик, барқарорлик ва хавфсизликни таъминлаш масалалари муҳокама қилинади.

Тадбирлар якунида қатор қўшма ҳужжатлар қабул қилиниши кутилмоқда.