Зеленский Трампга таклиф билан чиқди. У Украинада сайлов ўтказиш учун икки ойлик ўт очишни тўхтатиш режимини таклиф қилди.

Владимир Зеленский мамлакатда сайлов ўтказиш учун Россия томонидан икки ой давомида тўлиқ ўт очишни тўхтатиш режими таъминланиши кераклигини билдирди.

«Агар президент Трамп ҳақиқатан ҳам сайловлар ўтказилишини истаса, Путинга шундай десин: бизга икки ойлик тўлиқ ўт очишни тўхтатиш режимини беринг, шунда биз сайловларни ўтказамиз», деди Зеленский.

Унинг таъкидлашича, Украина раҳбарияти сайлов натижасида халқ қандай қарор қабул қилса, уни ҳурмат қилишга тайёр.

Зеленскийнинг ушбу баёноти Украинада уруш шароитида президентлик сайловларини ўтказиш масаласи муҳокама қилинаётган бир пайтга тўғри келмоқда.