Полша президенти Навроцкий Зеленскийни мамлакатнинг энг олий мукофоти ҳисобланган Оқ Бургут орденидан маҳрум қилди.

«Бу қарор Украина халқига қарши қаратилмаганини алоҳида таъкидламоқчиман. Ушбу қарор Польша хавфсизлик сиёсатидаги стратегик йўналишни ўзгартирмайди. Биз Украинани доим қўллаб-қувватлаганмиз ва бундан кейин ҳам қўллаб-қувватлашда давом этамиз», деди у.

Орденни бекор қилишга Зеленскийнинг Украина Қуролли кучларининг махсус бўлинмасини УПА (Украина қўзғолончилар армияси) «қаҳрамонлари» шарафига номлаш ҳақидаги қарори сабаб бўлган.

Польшада УПА (Украина қўзғолончилар армияси) Иккинчи жаҳон уруши даврида Волин ва бошқа ҳудудларда ўн минглаб поляк тинч аҳолисининг қирғин қилганликда айбланади ва бу воқеалар Польша томонидан геноцид сифатида баҳоланади. Шунинг учун Зеленскийнинг Украина Қуролли кучларидаги махсус бўлинмалардан бирига УПА қаҳрамонлари номи берилиши Польшада кескин норозиликка сабаб бўлди. Украинада эса УПА аъзолари кўпинча мамлакат мустақиллиги учун курашган миллий қаҳрамонлар сифатида эътироф этилади.

Зеленский 2023 йилда Польшанинг собиқ президенти томонидан Оқ Бургут ордени билан тақдирланган эди. Мукофот унга Польша ва Украина муносабатларини мустаҳкамлашга қўшган ҳиссаси, хавфсизлик соҳасидаги фаолияти ҳамда инсон ҳуқуқларини ҳимоя қилишдаги қатъияти учун берилган эди.