АҚШ президенти Дональд Трамп журналистларнинг саволларига жавоб берар экан, Украина президенти Владимир Зеленскийнинг Россия билан келишувга эришиш борасидаги позициясини танқид қилди.

Трампнинг таъкидлашича, Зеленскийда бир қатор келишувларни имзолаш имконияти бўлган, бироқ у номаълум сабабларга кўра бундай қадам ташламаган.

Шунингдек, Трамп Украина томонига Россиянинг нефтни қайта ишлаш заводларига зарба бермаслик ҳақида огоҳлантириш берилганини айтган. Унинг фикрича, бундай ҳужумлар жаҳон энергетика бозорида жиддий муаммолар келтириб чиқариши, дизель ёқилғиси нархи орқали америкалик фермерлар ва чорвадорларга салбий таъсир кўрсатиши мумкин.

«Мен Украинага келишувга эриша оладиган янги раҳбар топишни таклиф қиламан», деди Трамп.