Сербия президенти Александр Вучич ёзда берган ваъдасига мувофиқ истеъфога чиқди. BBC хабарига кўра, бу қарор мамлакатда муддатидан олдин президент сайловини ўтказишга йўл очади.

Вучич конституцияда рухсат этилган икки президентлик муддатини деярли ўтаб бўлган. Шу сабабли у бўлажак президент сайловида ўз номзодини қўймайди.

Бироқ президентликдан кетиши унинг сиёсий фаолияти якунланишини англатмайди. Вучич октябрда ўтказиладиган парламент сайловларидан кейин бош вазир лавозимини эгаллашга ҳаракат қилиши кутилмоқда. Бу орқали у мамлакат бошқарувидаги етакчи мавқеини сақлаб қолиши мумкин.

Навбатдан ташқари президент сайлови истеъфодан кейин уч ойдан кечиктирмай ўтказилиши керак. Сайловолди кампанияси ва овоз бериш даврида президент вазифасини Сербия парламенти раиси Ана Брнабич вақтинча бажариб туради.