Исроил бош вазири Биньямин Нетаньяху Исроил армияси радиосининг подкастида Буюк Британия ҳақида ҳазил қилди.
У Британияни «ядровий қуролга эга биринчи исломий республика» деб атади.

Нетаньяху бу гапи билан Британияда исломий таъсир кучайиб бораётганига шаъма қилган. Унинг бу ҳазили Буюк Британияда салбий реакцияга сабаб бўлди. Британия ҳукумати вакиллари Нетаньяхунинг баёнотини куракда турмайдиган кесатиқ деб баҳолади.

Нетаньяхунинг гапида асли яна бир хато бор: ядровий қуролга эга бўлган биринчи мусулмон давлати – Покистон. Мамлакат 1990-йилларда ядровий қуролга эга бўлган.