Москва вилоятида Ўзбекистон фуқароси 7 ёшли қизчага пичоқ билан ҳужум қилгани айтилмоқда. Жабрланувчи шифохонага ётқизилган, гумонланувчи эса қўлга олинган.

ОАВ хабарларига кўра, воқеа вақтида эркак бир муддат икки қизалоқнинг ортидан юриб борган. Кейин у пичоқ чиқариб, улардан бирига зарба берган ва воқеа жойидан қочиб кетган.

Қайд этилишича, ҳужумга учраган қизалоқ ва унинг ёнида бўлган иккинчи бола опа-сингил бўлган. Иккинчи қизалоқ қочиб қолишга улгурган.

Полиция гумонланувчи шахсини аниқлаган. Дастлабки маълумотларга кўра, у 21 ёшли Ўзбекистон фуқароси Суннат В. бўлиб, ҳеч қаерда ишламаган.

Ҳозирда жабрланган қизалоқ шифокорлар назоратида. Гумонланувчи қўлга олинган, ҳолат юзасидан тергов ҳаракатлари давом этмоқда.