Эронда интернетга кириш имконияти қисман тиклана бошлади. Бу ҳақда интернет чекловларини кузатувчи NetBlocks лойиҳаси хабар берди.

Маълум бўлишича, мамлакатда сўнгги чекловлардан кейин айрим ҳудудларда тармоққа уланиш қайта йўлга қўйилган.

Эрон вице-президенти Муҳаммад Ориф бу жараённи “интернетга эркин ва тартибга солинган кириш йўлидаги биринчи қадам” деб атади.

Бироқ “эркин ва тартибга солинган интернет” ибораси жамоатчиликда турлича саволлар уйғотмоқда.

Кузатувчиларга кўра, интернетнинг қисман тикланиши фуқаролар учун муҳим енгиллик бўлса-да, бу тўлиқ эркинлик дегани эмас.

Тармоққа кириш имконияти ҳали ҳам давлат назорати, фильтрлар ва чекловлар таъсирида қолиши мумкин.