Беларусда «Ядровий қуролни қўллаш ва ядровий таъминот бўйича ҳарбий қисмлар машғулоти» бошланди. Бу ҳақда мамлакат Мудофаа вазирлиги маълум қилди.

«Машғулотдан мақсад – шахсий таркиб тайёргарлиги даражасини ошириш, қурол-яроғ ва ҳарбий техниканинг вазифаларни бажаришга тайёрлигини текшириш ҳамда режалаштирилмаган ҳудудлардан жанговор қўллашни ташкил этишдан иборат» – дейилади расмий баёнотда.

Машғулот давомида Россия томони билан ҳамкорликда ядровий ўқ-дориларни етказиб бериш ва уларни қўллашга тайёрлаш масалалари ишлаб чиқилади.