Сирдарё вилояти Янгиер шаҳар газ таъминоти бўлими ходимлари томонидан ўтказилган назорат тадбирида маҳаллий фуқаро табиий газдан ноқонуний фойдаланиб келгани аниқланди.

Маълум бўлишича, хонадон эгаси ҳисоблагични четлаб ўтиш мақсадида девор орасидан яширин қувурлар тортиб, ПГ-4 газ плитаси, ҳаммом иситгичи ва АГВ печини газ тармоғига ўзбошимчалик билан улаб олган.

Ҳолат бўйича ҳисоб-китобларга кўра, газ таъминоти тизимига қарийб 90 миллион сўм зарар етказилган.

Суд қарори билан ўғринча газ ёққан фуқарога ушбу маблағни тўлиқ қоплаш учун жарима жазоси белгиланди.