Тезкор тадбирда гумонланувчи 100 доллар ва 5 миллион 600 минг сўмни олган вақтида ашёвий далиллар билан ушланди.

Бу ҳолат Вобкент туманида содир бўлгани маълум қилинди.

Тергов маълумотларига кўра, икки дугона оилали эркакни унинг шахсий ёзишмалари орқали шантаж қилган.

Маълум бўлишича, 35 ёшли аёл ва эркак ўртасидаги ишқий, интим мазмундаги ёзишмаларни аёлнинг 19 ёшли дугонаси кўриб қолган.

Шундан сўнг у бу маълумотларни ошкор қилиш билан таҳдид қила бошлаган. Дастлаб аёл дугонасига жим туриши учун пул берган, кейинчалик эса у билан бирга ҳаракат қилишга келишиб олган.

Аёл эркак билан боғланиб, ёзишмаларни дугонаси кўрганини айтган ва унинг орқали босим ўтказган.

Улар эркакни турмуш ўртоғига бу маълумотларни ошкор қилиш, оиласини бузиш билан қўрқитиб, 6 миллион 800 минг сўм талаб қилган.

Оилали, икки фарзанднинг отаси бўлган эркак эса ушбу ҳолат юзасидан туман ИИБга мурожаат қилган.

Икки шантажчи аёллар қамағда.