Оилали ва уч боланинг отаси яшаш уйида “Каннабис” ўсимликларидан “Марихуана” гиёвандлик воситасини тайёрлаб, уларни 6 дона гугурт қутиларига ҳамда 3 дона синтетик целлофан
пакетларга жойлаб, жами 158,8 грамм “Каннабис” уруғи ва 3,8 грамм “Марихуана”ни уйида сақлаб келган.

Маълум бўлишича, судланувчи яшаш уйини тозалаётган вақтида марҳум отасига тегишли чамадондан турли хил ўсимлик уруғларини топган.

Отаси аввалдан гулларга қизиқиб келгани учун топганларини ҳам гул уруғи деб ўйлаб, ҳожатхонанинг ёнига сепиб юборган. Шундан сўнг ушбу уруғларнинг униб ўсишига эътибор ҳам қилмаган. Аммо ўсимлик ўсиб чиққачгина унинг наша эканини билган.

У ногиронлиги сабаб танасида кучли оғриқ ҳис қилган вақтида наша ўсимлигини сигаретга ўраб чеккан ва ухлаб қолган. Унинг айтишича, бу биринчи ва охирги марта юз берган. Ва шу ондаёқ ИИБга маълум бўлган.

Фуқаро Ўзбекистон Республикаси ЖК 25,273-моддасининг 5-қисмида назарда тутилган жиноятни содир этгани учун 5 йил 3 ойга озодликдан маҳрум қилинди. Қамағда.