АҚШ президенти Дональд Трамп ўзининг Республикачи партияси аъзоларини Эронга қарши ҳарбий ҳаракатлар бўйича унинг ваколатларини чеклашни кўзда тутувчи резолюцияни қўллаб-қувватлаганлари учун кескин танқид қилди.

Трампнинг баёноти тақиқловчи резолютция эълон қилнганидан бир кун ўтиб янгради.

Мазкур резолюция Сенатда ҳам кўриб чиқилиши керак, аммо республикачилар назорат қилаётган Сенатда унинг қабул қилиниши қийин деб баҳоланмоқда. Ҳатто қабул қилинган тақдирда ҳам, Трамп унга вето қўйиши мумкин.

Резолюция тарафдорларининг таъкидлашича, бу қарор АҚШ Конституциясига мос келади, чунки уруш эълон қилиш ваколати Конгрессга тегишли. Шунингдек, улар Америка жамоатчилигининг Эрон билан можарога қарши эканини ҳам қайд этмоқда.

Муҳокамалар марказида Эроннинг ядровий дастури ҳамда дунё нефть савдосининг муҳим қисми ўтадиган Ҳурмуз бўғозининг назорати каби масалалар турибди.

Трамп эса унинг ваколатларини чеклашни қўллаб-қувватлаган қонун чиқарувчиларни, шу жумладан, республикачиларни «ватанпарвар эмасликда» айблади