Полиция ходимлари ҳафталиги муносабати билан Оқ уйда ташкил этилган тантанали кечки овқат пайтида Доналд Трамп президентликка номзодлар ҳақида сўз очди.

АҚШ президенти Доналд Трамп 2028 йилги президент сайловида ўз ворислари сифатида ҳозирги вице-президент Жей Ди Вэнс ва давлат котиби Марко Рубио иштирок этишини маълум қилди.

Трампнинг демократ номзод ғалабасига йўл қўймаслик ҳақидаги баёноти 2026 йил ноябрига белгиланган АҚШ Конгресси сайловлари олдидан республикачиларни жипслаштиришга қаратилган, зеро яқинлашиб қолган сайловларда республикачилар катта йўқотишларга учраши мумкин.

Айни дамда демократлар ҳам чуқур инқирозни бошдан кечирмоқда. Аҳоли орасида ўтказилган сўровномалар икки партияли тизимдан норозилик кучайганини кўрсатмоқда. Ҳозир мустақил сайловчилар улуши тарихий максимумга етган, мустақил сиёсатчилар эса тобора фаоллашиб боришмоқда.

Дональд Трамп Жей Ди Вэнс ва Марко Рубиони “орзудаги жамоа” деб атаб, уларни 2028 йилги президентлик сайловларида республикачилар номзодлари сифатида кўрсатди.

«Бюллетеньда жарангдор эшитилади: “Жей Ди ва Марко”. Менимча, бу идеал жамоа, ҳали баъзи тафсилотлар устида ишлаш керак», — деди Трамп. У исмлари айтилган номзодларнинг қайси бири президент, қайси бири вице-президент бўлиши ҳақида тахминларини маълум қилмади.