Пастдарғомлик 2-гуруҳ ногирони Ж.А. мудом жиноий жавобгарликка тортилиб, жазоланган бўлса-да, қонунни менсимаган кўринади.

У 9500 нафар обуначиси бўлган “тик-ток” ижтимоий тармоғи орқали танишган аёлнинг уйига бориб, у билан бирга спиртли ичимлик истеъмол қилган.

Мастликда эса шир ялонғоч арабчага қилпанглаб ўйнаётган аёлнинг видеосини жонли эфирга узатган.

Бундан ташқари, аёл билан жинсий алоқа қилаётган вақтида ижтимоий тармоқдаги 135 обуначи уларни кузатиб туришган. Шу жараёнда Ж.А. кузатувчилардан бири Д.Ҳ.ни турли хил уятсиз сўзлар билан ҳақорат қилган.

Судланувчи Ж.А. Ўзбекистон Республикаси ЖКнинг 140-моддаси 2-қисмида назарда тутилган жиноятни содир этганликда айбли деб топилди.

Ўзбекистон Республикаси ЖКнинг 140-моддаси 2-қисми билан ЖКнинг 57-моддасини қўллаб, базавий ҳисоблаш миқдорининг 60 (олтмиш) баравари миқдорида, яъни 24.720.000 (йигирма тўрт миллион етти юз йигирма минг) сўм жарима жазоси тайинланди.