Термиз шаҳридаги Ўзбекистон–Афғонистон чегараси дарё портида ишловчи санитария-эпидемиология хизмати ходимлари ўз меҳнат ҳуқуқлари бузилаётгани ҳақида Элтузарга шикоят йўллашди.

Аввал 2 постда 16 соатлик навбатда ишлаган бўлса, сўнгги йилларда иш соатлари нотўғри ҳисобланиб, 0,25 ставкада расмийлаштирилган. Ойлик маош 1,3 млн сўмгача тушиб кетди.

Ходимлар раҳбарият ва турли ташкилотларга мурожаат қилишса-да, муаммо ҳал этилмади.

Шунингдек, дезинфекция воситалари ва ҳимоя жиҳозлари етишмаслиги, иш шароитлари оғирлиги СЭС ходимларини ҳолдан тойдирмоқда.

Ходимларнинг 0,25 ставка учун маоши жуда кам, улар 1 ставка ва 24 соатлик иш режимига қайтирилиб, ушлаб қолинган иш ҳақларини компенсация қилинса адолатдан бўлади.

Иш юкламасини ошириш, шароитлани яхшилаш борасида масъул идоралардан қатъий чоралар кутилмоқда.