Швейцариянинг UBS банки йиллик ҳисоботида Россия 2020 йилдан бери фуқароларнинг ўртача реал бойлиги ўсиши бўйича дунёда иккинчи ўринда эканлиги қайд этилди.

Ҳисоботда келтирилишича, Россияда ҳар бир катта ёшли фуқарога тўғри келадиган реал ўртача бойлик 37 фоизга ошган. Бу кўрсаткич бўйича Россия Жанубий Кореядан кейин иккинчи ўринда турибди.

Жанубий Кореяда ушбу ўсиш 55 фоиздан юқори бўлган. Бироқ бойлик ўсиши аҳоли ўртасида тенг тақсимланмаган. UBS маълумотларига кўра, Россия бойлик тенгсизлиги бўйича ҳам дунёда энг юқори кўрсаткичлардан бирига эга. Мамлакат молиявий тенгсизлик БААдан кейин иккинчи ўринда қайд этилган.

Мутахассислар фикрича, бу ҳолат Россияда умумий бойлик ошган бўлса-да, унинг катта қисми чекланган гуруҳлар қўлида жамланаётганини кўрсатади. Яъни статистикада ўртача бойлик ўсгани кўринса ҳам, оддий аҳолининг молиявий аҳволи бундай тезликда яхшиланмаслиги мумкин.

UBS ҳисоботига кўра, 2025 йилда дунё бўйича шахсий бойлик 10,8 фоизга ошган. Бу 2024 ва 2023 йиллардаги ўсиш суръатларидан анча юқори ҳисобланади.