Тошкент вилояти Қибрай тумани Бирлик маҳалласи Қадирлик кўчасида “Ромашка” номи остида ноқонуний боғча фаолият юритаётgani ҳақида жиддий мурожаат келиб тушди. Унда қайд этилишича, мазкур масала оддий камчиликлар эмас, балки болалар ҳаёти ва соғлиғига бевосита таҳдид солаётган ҳолат билан боғлиқ.

Мурожаатда келтирилган маълумотларга кўра, боғча ҳеч қандай расмий рухсат ва лицензиясиз ишлаб келмоқда. Шунингдек, хоналар, жиҳозлар ва умумий шароит санитария талабларига мутлақо жавоб бермаслиги таъкидланган.

Расмда эски ва носоз иситиш ускунаси, қўлланма ва идишлар билан бирга хонанинг ичи кўрсатилган.
Қибрай туманидаги лицензиясиз боғчада санитария ва иситиш тизими талабларга жавоб бермаслиги кўзга ташланмоқда.
Расмда болалар учун мўлжалланган стол ва стуллар қўйилган хонанинг деворлари расмлар билан безатилган.
Қибрай туманидаги лицензиясиз боғчада болалар учун мўлжалланган стол ва ўриндиқлар, деворларда расмлар тасвирланган.
Боғчадаги катта стол атрофида болалар овқат еяпти, уларга тарбиячи аёл хизмат қилмоқда.
Қибрай туманидаги боғчада болалар овқатланмоқда. Боғча санитария ва овқатланиш шароитлари талабларга жавоб бермаслиги айтилмоқда.
Бўш хонанинг ичида икки стул ва стол, деворда гилам ва пардалар кўринмоқда.
Қибрай туманида лицензиясиз ишлаётган боғчанинг ички кўриниши. Санитария ва шароитлар талабга жавоб бермаслиги қайд этилмоқда.
Расмда кичик ошхона, газ плита, идишлар ва гилам устидаги стол кўрсатилган.
Қибрай туманида лицензиясиз ишлаётган боғча ошхонасида санитария талаблари бузилган ҳолат акс этган.
Тўлиқ ўрнатилмаган ва атрофи ифлос полли эски услубдаги ҳожатхона кўрсатилган.
Қибрай туманидаги лицензиясиз боғчада санитария талабларига жавоб бермайдиган ҳожатхона кўриниши.
Семент ётқизилган йўлак, охирида очиқ ҳаво ва қурилиш материаллари кўринади.
Қибрай туманида лицензиясиз ишлаётган боғчанинг ички ҳовлисидаги санитария талабларига жавоб бермайдиган ҳолат акс этган.

Айтилишича, тарбияланувчиларга берилаётган овқат бошқа жойдан ташиб келинади, иссиқ овқат эса деярли мавжуд эмас. Ошхонадаги шароит оғир аҳволда бўлиб, гигиена қоидалари қўпол равишда бузилгани билдирилмоқда.

Бундан ташқари, электр ва иситиш тизимлари хавфли ҳолатда экани, техника воситалари носозлиги сабаб исталган пайтда бахтсиз ҳодиса юз бериши мумкинлиги қайд этилган. Ҳожатхона болалар фойдаланиши учун мутлақо яроқсиз бўлиб, санитария меъёрларига зид ҳолатда экани ҳам урғулаган.

Мурожаат муаллифлари бинодаги умумий муҳитни носоғлом ва хавфли деб баҳоламоқда. Энг ачинарлиси, айнан шу жойда ёш болалар тарбияланаётгани жамоатчилик хавотирини янада кучайтирмоқда.

Шу муносабат билан, “Бу шароитда болаларни сақлаш кимнинг жавобгарлигида? Нега ушбу ноқонуний боғча ҳанузгача ёпилмаган?” деган саволлар ўртага ташланмоқда.

Жамоатчилик ва масъул идоралардан мазкур ҳолат юзасидан зудлик билан текширув ўтказиш, ноқонуний фаолиятга чек қўйиш ҳамда болалар хавфсизлигини таъминлаш талаб этилмоқда. Таъкидланишича, бу масала албатта жамоатчилик назоратига олиниши шарт.