Эпштейн АҚШга атай чақириб олиб номусини ўнларча марта поймол қилган ўзбе қизнинг исми Роза. Роза ўзбекчада атиргул бўлади.

Ўзбекистонлик бу қиз АҚШ тарихидаги энг шов-шувли секс-можаролардан бирининг қурбонлари қаторида исми зикр бўлди.

Роза Ўзбекистонда кам таъминланган қашшоқ оилада вояга етган. 18 ёшида унга Нью-Йоркда моделлик карьераси ваъда қилиниб, «истеъдодлилар» визаси билан АҚШга олиб кетилган.

Кейинчалик АҚШ Конгресси Ваколатлар палатасидаги тингловларда у аслида бундай виза олиш учун етарли асос ва салоҳиятга эга бўлмаганини айтди.

2009 йилда Розани Jeffrey Epstein билан таништиришган. Ўша пайтда бу аҳли китоб аллақачон уй қамоғида эди.

Ўзбекистонлик Розанинг сўзларига кўра, шундан кейин у бир неча йил давомида зўравонликка учраган. Розанинг айтишича, Эпштейн уни визаси мақоми ва молиявий қарамлик билан қўрқитгани учун у ёрдам сўрашга журъат қила олмаган ва қайта қайта ҳамтўшак бўлаверган.

Ўз чиқишида Роза АҚШ Адлия вазирлигини ҳам танқид қилди. Унинг айтишича, эълон қилинган ҳужжатларда унинг ва бошқа жабрланувчиларнинг исмлари яширилмаган, аммо Эпштейннинг бошқа эҳтимолий шериклари исмлари махфий қолдирилган.

“Худо урганни пайғамбар ҳам хассаси билан туртди” дегани шу.

Розанинг таъкидлашича, унинг исми материалларда 500 мартадан ортиқ учрайди.
Роза АҚШда бундай воқеалар содир бўлиши мумкинлигидан қаттиқ ҳайратга тушганини айтди.

Ўзбек ашлачилари “Атиргулим атрингни соч” деб эмас “Атиргулим кўзингни оч” деб куйлагани маъқул эди.