АҚШнинг Нью-Жерси штатида 26 ёшли Ўзбекистон фуқароси маиший зўравонликка оид бир қатор оғир айбловлар билан қамоққа олинди.

Маҳаллий қамоқхона ва суд маълумотларига кўра, М.А. 14 май куни Эссекс округи қамоқхонасига жойлаштирилган.

Унга оғир тан жароҳати етказиш билан боғлиқ тажовуз, ноқонуний ушлаб туриш, ўлим таҳдиди ва қуролдан ноқонуний мақсадларда фойдаланиш каби айбловлар қўйилган.

Расмийлар ҳозирча воқеа қаерда ва қандай шароитда содир бўлгани ҳақида тўлиқ маълумот бермаган. Тергов маълумотларига кўра, иш маиший можаро билан боғлиқ бўлиши мумкин.

Қамоқхона қайдларида айтилишича, АҚШ иммиграция идораси (ICE) ҳам ушбу шахсга нисбатан детайнер, яъни эҳтимолий озод этилиш ҳолатида хабардор қилиш тўғрисидаги талабномани расмийлаштирган.

Ҳозирча гаров миқдори ёки кейинги суд мажлиси санаси ҳақида расмий маълумот эълон қилинмаган. Иш бўйича тергов ва суд жараёнлари давом этмоқда.

Айблов қўйилган ҳар қандай шахс каби, мазкур гумонланувчи ҳам судда айби исботланмагунча айбсиз деб ҳисобланади.