Наманган вилояти Норин тумани Тўда қишлоғида яшовчи фуқаролар Бизнесни ривожлантириш банкидан тадбиркорлик фаолиятини йўлга қўйиш учун 60 миллион сўм имтиёзли кредит сўраб мурожаат қилишди.

Бироқ банк ходимлари кредит фақат рўйхатга киритилган 14 та ҳудудга ажратилишини, Тўда қишлоғи эса ушбу рўйхатда йўқлигини маълум қилиб, мурожаатини рад этмоқда.

Фуқароларнинг таъкидлашича, банкда таниш-билиши бор айрим шахсларга қайси ҳудуддан эканидан қатъи назар кредит ажратиляпти.3

Шунингдек, улар банкнинг Улуғбек исмли масъули билан учрашишга уринганини, аммо 3 кун давомида уни иш жойидан топа олмаганини билдиришган.

Марказий банк раҳбариятидан ҳолатга қонуний баҳо беришни, кредит ажратиш тартибини ўрганишни ҳамда мурожаатлар бўйича амалий ёрдам кўрсатишни сўрамоқда.