Олий Мажлис Қонунчилик палатаси коррупцияга қарши курашни кучайтиришга қаратилган қонун лойиҳасини қабул қилди.

📌 Асосий ўзгартиришлар:

• Жиноят кодексида 19 та қилмиш, жумладан спортдаги келишилган ўйинлар ҳам расман коррупцияга оид жиноят деб белгиланмоқда.

• Порахўрлик, ўзлаштириш ва фирибгарлик бўйича етказилган зарар тўлиқ қопланмаса, муддатидан олдин шартли озод қилиш ва жазони енгиллаштириш чоралари қўлланмайди.

• Хизмат мавқеидан фойдаланиб фирибгарлик қилган мансабдорлар учун жавобгарлик кучайтирилмоқда.

• Коррупция ҳақида хабар берган шахсларни 2 йил давомида интизомий жазолаш тақиқланади.

• Коррупцияга тоқатсизлик ёшлар сиёсатининг асоси этиб белгиланиб, боғча ва мактабларда «ҳалоллик вакцинаси» жорий этилади.

📎 Қонун лойиҳаси Сенатга юборилди.

💳 Пенсияни тўлиқ кредитга ечиб олиш тақиқланяпти

Қонунчилик палатаси қабул қилган янги ҳужжатга кўра, пенсиядан кредит ёки бошқа тўловлар ушлаб қолинганда ҳам, фуқаро қўлига тегадиган маблағ энг кам истеъмол харажатларидан кам бўлмаслиги шарт.

Яна бир муҳим янгилик: ишлайдиган ногиронлиги бор шахслар пенсиясини ошириш учун идораларга бориб юрмайди. Тизим ҳар икки йилда стажни автоматик ҳисоблаб, пенсияни қайта кўриб чиқади.

📎 Бу қонун лойиҳаси ҳам Сенатга юборилди.