Колумбиянинг ғарбий қисмида 7,4 магнитудали кучли зилзила содир бўлиб, камида 111 киши ҳалок бўлди, яна 87 киши жароҳатланди. Бу ҳақида маҳаллий расмийларга таяниб, Reuters ва AP хабар берди.

Зилзила эпицентри Чоко вилоятидаги Сан-Хосе-дель-Палмар ҳудуди яқинида, тахминан 107–110 километр чуқурликда жойлашган. Ер силкиниши мамлакатнинг бир қатор ҳудудларида, жумладан Кали, Перейра, Манисалес ва Кибдода кучли сезилди.

Дастлабки маълумотларга кўра, ўнлаб бинолар вайрон бўлган, яна юзлаб иншоотлар зарарланган. Айрим жойларда одамлар вайроналар остида қолгани хабар қилинмоқда. Қутқарувчилар ҳануз вайроналар остида қолганларни изламоқда, шу сабабли қурбонлар сони яна ошиши мумкин.

Мамлакат президенти Абелардо де ла Эспрьелла зилзиладан сўнг мамлакат бўйлаб фавқулодда ҳолат эълон қилди. Ҳукумат қутқарув ва тиклаш ишларини тезлаштириш учун қўшимча маблағ ва кучларни жалб қилмоқда.

Зилзиладан сўнг бир қатор ҳудудларда такрорий силкинишлар кузатилган. Мутасаддилар аҳолини эҳтиёткор бўлишга чақирмоқда.