Сўнгги вақтларда Ўзбекистондаги етакчи тўлов тизимлари картадан-картага (P2P) ўтказмалар учун комиссияларни ошираётгани кузатилмоқда.

Payme — 2025 йил ноябрь ойида фоиз комиссиясини 1% дан 1,1% га оширди.

Click — кейинроқ худди шу йўлни такрорлади ва картадан-картага ўтказмалар учун комиссияни 1,1% этиб белгилади.

Paynet — 2026 йил 6 мартдан бошлаб комиссияни 0,5% дан 0,7% га оширди.

Zoomrad (Алоқабанк) — 2026 йил 1 февралдан бошлаб UZCARD → HUMO ёки HUMO → UZCARD ўтказмаларида комиссия 0,5% дан 0,7% га оширилди.

Бу шуни англатадики, бир неча ой ичида тўртта йирик ўйинчи бирин-кетин бир хил йўналишда комиссияларини кўтарди. Уларнинг аксарияти узоқ вақт давомида комиссияларга ўзгартириш киритмаган эди.