Фарғона вилоятидаги ушбу боғчада болаларга нисбатан босим, қўпол муомала, бақириш, қўрқитиш ва ҳатто қўл кўтариш ҳолатлари бўляпти.

Видео

Кўпроқ қизиқиш уйғотади. Бу кадрлардан кейин савол туғилади: назорат қаерда?

Боғча — аслида бола ўзини энг аввало хавфсиз ҳис қилиши керак бўлган жой. Тарбиячи болага бақириш, қўрқитиш ёки қўл кўтариш у ёқда турсин, уни камситиш ва қўпол муомала қилишга ҳам ҳаққи йўқ.

Қоғоздаги талабларга кўра, мактабгача таълим ташкилоти болаларни тарбиялаш ва ўқитиш учун хавфсиз шарт-шароитларни яратиши, боланинг ҳуқуқлари ва қонуний манфаатлари бузилишига йўл қўймаслиги керак.
Лекин Ўзбекистонда фақат ижтимоий тармоқларга чиққандан кейингина бу оғир муаммо назоратга олинади. Назоратнинг вазифаси воқеа содир бўлганидан кейин айбдорни излаш эмас, воқеа содир бўлишининг олдини олиш эмасми?

Шу ўринда Фарғона вилояти Мактабгача ва мактаб таълими бошқармаси раҳбари Шерзод Долимовга яна бир бор мурожаат қиламиз. Болаларнинг хавфсизлиги сизнинг энг биринчи масъулиятингиз. Боғчаларни асаби чарчаган золимлардан тозаланг.