Ли Куан Ю бир пайтлар шундай деган эди: “жамиятни фақат қулайлик, кўнгилочарлик ва истеъмол асосида кучли қилиб бўлмайди.”

Унинг фикрича, инсон ақли яшаши учун қийинчиликка, ижодга, интизомга ва мустақил фикрлашга муҳтож. Ақл доимо тайёр маҳсулотни қабул қилиб яшайверса, вақт ўтиши билан ўтмаслашади.

Бугун эса бу гаплар ҳар қачонгидан ҳам долзарб. Экранимизда чексиз видеолар, янгиликлар, сериаллар ва контент оқими тўхтамайди. Истеъмол қилиш осон, аммо яратиш қийин.

Ҳақиқий тараққиёт инсон фақат томошабин бўлишдан чиқиб, ўзи ҳам бирор нарса ярата бошлаганда юз беради. Китоб ёзиш, бизнес қуриш, мақола тайёрлаш, дастур тузиш, мусиқа басталаш ёки оддий бир ғояни ҳаётга татбиқ этиш – барчаси ижоднинг бир кўриниши.

Ўзбек жамияти бугунгача қанча контент истеъмол қилди ва қанча нарса яратди? 🤔

#ЛиКуанЮ #Тафаккур #Ижод #Тараққиёт #МустақилФикрлаш #Мотивация