15 апрель куни Бухоро вилоятидаги 28803-ҳарбий қисм полигони ҳудудидан ер ажратиб бериш эвазига 50 миллион сўм талаб қилган ҳарбий хизматчилар тезкор тадбирда ушланди.

Маълум бўлишича, подполковник унвонидаги полигон бошлиғи ва кичик сержант унвонидаги танкодром бошлиғи фермерга полигон ҳудудидан ер ажратиб беришни ваъда қилиб, ундан 50 миллион сўм сўраган.

Айтилишича, ушбу пулнинг бир қисми подполковникнинг банкдаги кредитини ёпишга тўлаттирилган. Қолган қисми олинаётган вақтда эса Бухоро вилояти ДХХ ва тегишли департамент ходимлари томонидан ўтказилган тезкор тадбирда улар ашёвий далиллар билан қўлга олинган.

Қайд этилишича, давлатга тегишли ер майдони ўз жойида қолган. Пора олганларнинг барчаси қамоққа олинган.