Алишер Навоий номли тил-адабиёт университетининг тренддаги мутахассислари Элтузардаги мақоланинг услубига қараб муаллифни билиб оладиган қобилиятга эга – ҳарқалай бизга шикоят йўллаган профессор-ўқитувчилар шундай иддаоларни илгари суришмоқда.

Университет очилган кунидан бошлаб то ҳозиргача ректор курсисида ўтирган Шуҳрат Сирожиддинов хос гуруҳ тузиб олгани жамоани ғашлантиряпти. Ректор муаммоларни бартараф этиш ўрнига уларни гапирганларни нишонга оладими?

«Ректорнинг югурдаклари Ботирбек ва Жонибек университет мол-мулкини, маблағларни талон-торож қилиш пайида. Бошқарув тўлиқ проректор Н.Н. қўлига ўтган. Ректорнинг иродаси шу проректорга тўла бўйсундирилган. Чақимчилик, иғво ва фитналардан бездик» – дейилади шикоятда.

Инсайдерларга кўра, проректор Н.Н.ни лавозимидан озод этиш ҳақида Президент администрациясидан топшириқ берилган. Бироқ топшириқ университет ректорининг аралашуви билан бажарилмади.

Ички муҳит барбод бўлгани етмагандек, ўқитувчиларга олийгоҳ учун ҳомий топиш мажбурияти юкланмоқда. Адабиёт малими кўз-кўжа университетга ҳомийни қағдан топсин?

Моддий ҳомийлик докторантлар, магистрларга юкланмоқда. Молиявий назорат органлари эса сукутда. Ҳомий топиш ректор, проректор каби катта бошларнинг вазифаси аслида. Компаниялар, хорижий инвесторларни улар топиши, университетга қизиқтира олиши, моддий ҳамкорлик истиқболларини кўрсатиб, ишонтира билиши лозим.

Бундай қизғин фаолият учун ректўр ақлан ва жисмонан соғлом, руҳан тетик бўлиши шарт. Хотира куни ва мустақиллик арафаси Президент билан учрашганда расм тушиб, интернетда қизғин фаолият фоноргаммасини қўйгандан нима фойда?