Ижтимоий тармоқларда ўқувчилар билан боғлиқ нохуш ҳолат акс этган видео тарқалмоқда. Кадрларда бир ўқувчи бошқа ўқувчини масхара қилиб, унинг устига сув қуйгани ва юзини ифлос латта билан артганини кўриш мумкин.

Видео

Бир қарашда бу оддий мактабдаги жанжалдек кўриниши мумкин, аммо видеодан кейин тарқалган маълумотлар воқеани анча жиддийлаштирмоқда

Воқеа пойтахтдаги 94 мактабда содир бўлгани айтилмоқда. Видеодаги ўқувчилардан бирининг отаси Миллий банкда юқори лавозимда ишлайди, ота бўлмиш ИИБ ва прокуратура тизимида ишловчи танишлари билан мактабга келиб мактаб маъмуриятига босим ўтказгани, синфдаги бир ўқувчини қўрқитишгани иддао қилинмоқда.

Ҳозирча ушбу даъволар тегишли идоралар томонидан расман тасдиқланмади. Шу сабабли ўқувчининг отаси ва ҳуқуқни муҳофаза қилувчи органлар ходимлари ҳақида тарқалаётган маълумотларга ҳам расмий муносабат зарур.

Тегишли идоралардан воқеани холис ўрганиб, болага нисбатан камситиш ва таҳқирлаш ҳолатига, шунингдек, мактабга босим ўтказилгани ҳақидаги даъволарга ҳуқуқий баҳо беришларини ҳамда жамоатчиликка расмий ахборот тақдим этишларини сўраймиз.